Կենտրոնի մասին

«Ֆրանս-Ֆորմասիոն Ինտերնասիոնալ»-ը ֆրանսերեն լեզվի արագընթաց ուսուցման առաջին մասնագիտացված կենտրոնն է Հայաստանում: Հիմնադրվել է 1992թ. մայիսի 11-ին Ֆրանսիայի Գրենոբլ քաղաքում գործող «Հայաստան, Փոխանակում և Աջակցություն» («Armenie, Echange et Promotion») կազմակերպության կողմից:


Կենտրոնը ստեղծվել է Ֆրանսիայի Ռոն-Ալպերի մարզի Մարզային խորհրդի, Իզերի դեպարտամենտի Գլխավոր խորհրդի, Գրենոբլ քաղաքի քաղաքապետարանի, ՀՀ-ում Ֆրանսիայի դեսպանատան աջակցության շնորհիվ:

Կենտրոնն առաջիններից ներդրեց օտար լեզուների դասավանդման ինտերակտիվ մեթոդիկան, որը տարիներ շարունակ կիրառվում է մեծ արդյունավետությամբ: Նորաստեղծ Հայաստանի համար ամենադժվարին ժամանակներում անգամ «Ֆրանս-Ֆորմասիոն Ինտերնասիոնալ»-ը ֆրանսերեն լեզվի բարձրակարգ դասընթացներ է իրականացրել հասարակության լայն շրջաններում, ՀՀ իշխանության ամենատարբեր մարմիններում` օգնելով հաղթահարել լեզվական հաղորդակցմանն առընչվող առկա խոչընդոտները: Ընդառաջ գնալով հասարակական լայն պահանջարկին` 2000 թ-ից «Ֆրանս-Ֆորմասիոն Ինտերնասիոնալ»-ը ֆրանսերենին զուգահեռ սկսեց իրականացնել նաև անգլերեն լեզվի դասընթացներ:

Միաժամանակ սկսվեցին ակտիվ համագործակցություններ պետական և ոչ պետական տարբեր կազմակերպություններ հետ: «Ֆրանս-Ֆորմասիոն Ինտերնասիոնալ»-ի որակյալ ծառայություններից տարիներ շարունակ օգտվել և այսօր էլ շարունակում են մեծ հաջողությամբ օգտվել այնպիսի կառույցներ, ինչպիսիք են` ՀՀ Ֆինանսների նախարարությունը, ՀՀ Գյուղատնտեսության նախարարությունը, ՀՀ Կենտրոնական բանկը, մի շարք առևտրային բանկեր, ՄԱԿ-ի, Կարմիր Խաչի Հայաստանյան գրասենյակները, «Օրանժ Արմենիա» ընկերությունը, հյուրանոցային տարբեր ցանցեր և այլն:

2004թ-ից «Ֆրանս-Ֆորմասիոն Ինտերնասիոնալ»-ը ստանձնեց միանգամայն նոր և ոչ պակաս կարևոր գործառույթ: Այն է` հայ-ֆրանսիական քույր-քաղաքների միջև գործող ապակենտրոնացված համագործակցության շրջանակներում ֆրանսախոսության տարածման գործառույթ իրականացնել ՀՀ տարբեր քաղաքներում: Արձանագրվեցին փայլուն հաջողություններ: «Երբ ազատ հաղորդակցվելը դառնում է հաճելի» նշանաբանի ներքո հարյուրավոր երիտասարդներ Հայաստանի տարբեր քաղաքներում (Սևանում, Գորիսում, Վարդենիսում, Գավառում) «Ֆրանս-Ֆորմասիոն Ինտերնասիոնալ»-ի անմիջական օժանդակությամբ կարողացան ուսումնասիրել ֆրանսերեն լեզուն, հնարավորություն ստացան հաղորդակցվելու եվրոպական մշակույթին, պատմությանը, արժեքներին:

Հայ-ֆրանսիական քույր-քաղաքների ապակենտրոնացված համագործակցության շրջանակներում 2008 թ-ից «Ֆրանս-Ֆորմասիոն Ինտերնասիոնալ»-ը զբոսաշրջության բնագավառում հայտնի ֆրանսիական «AFRAT» ընկերության հետ միասին մեծ ծավալի աշխատանքներ է կատարում ՀՀ տարբեր վայրերում զբոսաշրջության ժամանակակից ձևերի զարգացման ուղղությամբ:

Ավելի քան

27000

ուսանող


Երևանում և ՀՀ տարբեր մարզերում, ինչն իրականանացվող դասընթացների բարձր որակի խոսուն վկայությունն է:

Ավելի քան

200

մշակութային միջոցառումներ


Երևանում և ՀՀ տարբեր մարզերում (ֆրանսախոսության օրեր, երաժշտության տոներ, հայ-ֆրանսիական լեզվի և գրականության փառատոներ, ֆրանսիական կինոնկարների դիտումներ, միջոցառումներ՝ նվիրված ֆրանսիական մշակույթին ու պատմությանը և այլն):

How we got started

Nulla imperdiet sit amet magna. Vestibulum dapibus, mauris nec malesuada fames ac turpis velit, rhoncus eu, luctus et interdum adipiscing wisi. Aliquam erat ac ipsum. Integer aliquam purus. Quisque lorem tortor fringilla sed.

Quisque lorem tortor fringilla sed, vestibulum id, eleifend justo vel bibendum sapien massa ac turpis faucibus orci luctus non, consectetuer lobortis quis, varius in, purus. Integer ultrices posuere cubilia Curae, Nulla ipsum dolor lacus, suscipit adipiscing. Cum sociis natoque penatibus et ultrices volutpat. Nullam wisi ultricies a, gravida vitae, dapibus risus ante sodales lectus blandit eu, tempor diam pede cursus vitae, ultricies eu, faucibus quis, porttitor eros cursus lectus, pellentesque eget, bibendum a, gravida ullamcorper quam. Nullam viverra consectetuer.

Կապը մեզ հետ